Oranjerivier Wynkelders is ‘n gevestigde onderneming met vyf wynkelders, drie sapkelders en ‘n druifkonsentraat aanleg geleë langs die Oranjerivier. Die kelder beskik oor ‘n vakature vir ‘n dinamiese, opgeleide persoon as wingerdkundige.

 

WINGERDKUNDIGE

 

‘n Tersiêre graad-kwalifikasie met wingerdkunde as hoofvakrigting moet gerugsteun word deur goeie kommunikasievaardighede terwyl vorige ondervinding in ‘n soortgelyke betrekking in u guns sal tel.

 

Dit sal u taak wees om wynprodusente van kundige bestuursadvies te voorsien en onder meer behulpsaam te wees met hul keuses van kultivars, grondvoorbereiding, bemesting, prieelstelsels, besproeiing, snoei, lowerbestuur, die behandeling van siektes en plae, asook die finansieel voordeligste boerdery metodes. U sal verder verantwoordelik wees vir die selektering en kwaliteitsmonitering van wingerdblokke vir spesifieke handelsmerk-produkte, asook die opbou en byhou van ‘n dienooreenkomstige databasis. Die implementering van IPW, WIETA, die byhou van blokrekords en die kultivarriglynprogram, oesberamings, wingerdevaluasies, asook laboratoriumgedrewe gehaltebeheer van sap en wyn, vorm alles deel van hierdie uitdagende geleentheid.

 

Oranjerivier Wynkelders bied geleentheid vir loopbaan groei en ontwikkeling asook ʼn markverwante vergoedingspakket wat vasgestel word ooreenkomstig kwalifikasies en ondervinding.  Voordele wat in die pakket vervat sal word sluit in:

 

–           lidmaatskap tot ‘n uitstekende aftree- en mediesefonds,

–           ruim verlof, asook

–           ‘n jaarlikse bonus.

 

Rig aansoeke met ‘n volledige CV en afskrif van ID aan: Die Groep Menslike Hulpbronnebestuurder

 

Aansoeke kan gefaks word na (054) 3324408 of per e-pos gestuur word aan: hr@owk.co.za Vir meer inligting kan u met Henning Burger skakel by die hoofkantoor van Oranjerivier Wynkelders in Upington by telefoonnommer  (054)  3321923.

 Sluitingsdatum vir aansoek: 28 Junie 2017

Kandidate wat geen reaksie ontvang vier weke na die sluitingsdatum nie, kan aanvaar dat hul aansoek onsuksesvol was.


 

Oranjerivier Wynkelders is ‘n gevestigde onderneming met vyf wynkelders, drie sapkelders en ʼn druifkonsentraat aanleg geleë langs die Oranjerivier, waar ‘n reeks voortreflike wyne en verwante produkte berei word. Die volgende posisie bestaan in die Wes-Kaap in George:

BEMARKING VERTEENWOORDIGER: GEORGE

 

Ons benodig die dienste van ‘n energieke, verantwoordelike en emosioneel volwasse persoon met uitstekende interpersoonlike vaardighede wat ons produkte aktief kan bemark.

 

Verantwoordelikhede sluit die volgende in:

 

  • Behoud en uitbreiding van kliënte basis deur kliente te diens op ʼn geskeduleerde basis;
  • Hantering van promosies, wynskoue en ander sosiale geleenthede ten einde kliente basis uit te brei en markaandeel te groei;
  • Diens van winkels en afsetpunte ten einde verkoopsvolume te verhoog;
  • Rak en uitstal versorging by kliënte en verkooppunte;
  • Skakeling en koördinering met verspreidingsagente;
  • Verslagdoening, monitering en administratiewe verantwoordelikhede verwant aan die pos.

Die ideale kandidaat beskik oor ‘n naskoolse kwalifikasie in bemarking en verkope, is rekenaarvaardig, kan outonoom werk en beskik oor ‘n geldige rybewys.

 

Oranjerivier Wynkelders bied:            –           ʼn  Markverwante basiese vergoeding;                                                                                   –           Prestasiegedrewe vergoeding (kommissie);

  • Lidmaatskap tot ‘n aftreefonds.

 

Rig u aansoeke met ʼn aansoekbrief en volledige CV aan:

Die Groep Menslike Hulpbronbestuurder:

Oranjerivier Wynkelders

Posbus 544

Upington

8800

 

of per e-pos aan hr@owk.co.za  vir aandag Auret Nagel of skakel 054  337 8800 tydens kantoor ure vir navrae.

 

Sluitingsdatum vir aansoeke: 30 Junie 2017.

 

Kandidate wat geen terugvoering ontvang binne drie weke na bogenoemde sluitingsdatum nie, kan aanvaar dat hul aansoek onsuksesvol was.


 

Oranjerivierwynkelders is ‘n gevestigde onderneming met ses wynkelders en drie sapkelders geleë langs die Oranjerivier, waar ‘n reeks voortreflike wyne berei word.

 

Die volgende posisie is by die Depot in Kuruman vakant:

ADMINISTRATIEWE  KLERK / VOORRAAD KONTROLEUR

 

Die geskikte kandidaat is ‘n emosioneel volwasse individu wat uitstekende menseverhoudinge, goeie kommunikasie en sterk interpersoonlike vaardighede handhaaf en noukeurig en stiptelik verantwoordelikhede uitvoer.

 

Die posbekleër se verantwoordelikhede sal die volgende insluit:

 

–     Kontrolering van voorraad (ontvangs en versending),

–     Telefoniese bemarking aan kliente,

–     Fakturering,

–     Opkas, kontroleur en bank van kontant,

–     Algemene kantoor administrasie,

–     Deurlopende skakeling met agente en kliënte,

–     Rekenaarvaardig in MS Office pakket (Word, Excel, Power Point).

 

Ondervinding in ‘n soortgelyke pos sal in u guns tel maar is nie ‘n vereiste nie.

 

Voordele wat in die pakket vervat sal word sluit lidmaatskap tot ‘n mediese- en voorsorgfonds en ruim jaarlikse verlof in.

 

Rig aansoeke met volledige CV aan:             Die Groep Menslike Hulpbronbestuurder

Posbus 544

Upington

8800

 

Aansoeke kan per e-pos gestuur word aan: hr@owk.co.za

 

Vir meer inligting kan u met Koos Visser skakel, by telefoonnommer  (054) 337 8800.

 

Onderhoude met kortlys kandidate sal by die depot in Kuruman gevoer word.

 

Sluitingsdatum vir aansoeke is 30 Junie 2017. Kandidate wat geen terugvoering ontvang binne drie weke na bogenoemde sluitingsdatum nie, kan aanvaar dat hul aansoek onsuksesvol was.


Copyright © 2017

Professional Web Site Design